Durante di e periodo di preparashonnan pa BON DOET nos lo resumí preguntanan ku bini hopi dilanti bou di e sekshon di 'pregunta hopi hasí', tambe yamá FAQ (Frequently Asked Questions).
Klek riba Mas Informashon pa lesa e FAQs ku tin kaba.
FAQs di fundashon / asosiashon / kas di kuido
Q: Nos kier partisipá, pero nos no sa di un bon djòp pa nos hasi.
A: Yama nos BON DOET TEAM òf imeil nos i nos ta yudabo formulá un bon djòp.
Q: Kon nos por bini na remarke pa e USD 650,- pa material?
A: Riba wèpsait tin hopi informashon tokante e kriterianan i tambe por yama nos BON
DOET TEAM òf imeil nos. Korda ku tin un deadline i tambe un presupuesto ku e organisashon di BON DOET mester mantené na dje.
Q: Tin hende ku por yuda nos ku e petishon pa aporte finansiero?
A: Sigur, BON DOET TEAM tei pa yudabo traha un presupuesto i hasi e petishon riba e wèpsait.
Q: Mi no sa kon pa usa e wèpsait. Kon mi por registrá mi djòp awor?
A: Yama nos BON DOET TEAM òf imeil nos i nos ta hasi'é huntu. Tene na kuenta ku tin un deadline pa inskribí, pues no warda te ultimo dia si boso mester di yudansa!
FAQs di boluntarionan
Q: Mi kier registrá komo boluntario, pero mi no ta logra hasi'é riba e wèpsait.
A: Purba ‘refresh page’ òf klek riba ‘Home’ i purba di nobo. Si bo keda pegá por yama nos pa asistensia.
Q: Kiko e boluntarionan mester trese ora nan bai e djòp?
A: E fundashon ku ta organisá e djòp tin un presupuesto pa tur e material i tambe pa ko'i kome i bebe. Kiermen nan ta hasi tur e preparashonnan. E boluntarionan ta bin yuda i pa trese ambiente!
A: Tin biaha e fundashon por haña un tiki yudansa si dor di fia sierto material. Por ehèmpel: hèrmènt pa traha den kurá. Si boso lo por ofresé algu asina lo ta bon pa tuma kontakto ku nan.
Q: Nos tin un grupo di 20 boluntario, pero e djòp ta pidi 10 so. Nos por bai si?
A: Hopi biaha esaki por si, pero kòrda ku e ta dependé di e lokalidat, e tareanan ku mester keda hasí i tambe si tin sufisiente presupuesto pa kumpra èkstra material i ko'i kome i bebe. Por fabor tuma kontakto ku e fundashon òf nos tim di BON DOET pa evitá kualkier inkonbinensha.
Q: Ki dia nos lo haña nos T-shirt?
A: E informashon aki lo keda mandá riba e imeil ku bo a inskribí ku ne pa e djòp kaminda bo ta bai partisipá.