15 & 16 MEI 2026

Aporte finansiero

Ta posibel pa hasi un petishon pa aporte finansiero pa bo djòp òf aktividat di BON DOET.
Oranje Fonds a pone un presupuesto disponibel pa esei. Asinaki bo por hasi bo petishon:

  • Registrá bo djòp òf aktividat di BON DOET promé riba e wèpsait. Solamente despues u bo a registrá un djòp, bo por hasi un petishon pa aporte finansiero.
  • E deadline pa hasi un petishon pa aporte finansiero ta 23 di mart 2026. No warda te último momentu.
  •  Den bo profil di BON DOET, bo lo haña bou di bo djòp un boton ku ta bisa “petishon aporte finansiero”. Bo por krea òf habri bo profil dor di klek riba e boton login na banda drechi ariba.
  •  Den e formulario, indiká pa kiko bo ta pidiendo sèn, manera material òf catering, i spesifiká e kostonan. Por fabor sea kla i mas spesífiko posibel.
  •  Nota: Bo por hasi un petishon pa aporte finansiero, solamente si bo ta buskando minimal 10 boluntario.
  • Nos lo evaluá e petishon. Si nos aprobá e petishon (kompleto òf parsial), bo lo risibí un notifikashon por eskrito. Por pasa ku nos tin di hasi pregunta adishonal tokante bo petishon.
  • Bo lo risibí e aporte finansiero [via transferensia bankario] promé ku 14 di aprel 2026 pa bo por hasi e kompra nan nesesario na tempu.
  • BON DOET TEAM lo organisá un momentu separá pa

Kondishonnan pa hasi un petishon pa aporte finansiero

• Bo organisashon ta un fundashon, skol, asosashon òf instituto di kuido ofisial, registrá
ofisialmente na Boneiru.
• Bo djòp ta registrá riba e wèpsait di BON DOET.
• E djòp ta kuadra ku e karakter di BON DOET: bo organisashon ta buskando boluntarionan
(minimal 5 nobo) pa un dia òf parti di un dia riba 15 i/òf 16 di mei 2026, pa hasi un trabou
konkreto pa bo organisashon.
• Bo ta buskando minimal 10 boluntario, kaminda por lo menos mitar no ta afiliá ku bo
organisashon.
• Bo organisashon no tin meta di reklutamentu relashoná ku un kreyensia religioso den su
estatuto òf reglamento.
• Bo por entregá solamente 1 petishon pa aporte finansiero pa kada lokashon di djòp.

Nota: Nos ke duna mas tantu organisashon posibel un kontribushon. Si bo djòp no ta kumpli
ku tur e kondishonnan aki riba, bo no por hasi petishon pa aporte finansiero. Sin embargo,
bo organisashon lo por partisipá normal den BON DOET.

 

 

Kiko nos ta finansiá

• Artíkulonan di uso i materialnan básiko manera pintura, material pa pinta, palu, waya i staka pa tranké, material di limpiesa, palu i mata, hèrmènt chikitu di metal èts.
• Hür di hèrmènt òf aparato grandi manera trapi, mashin di limpia ku preshon, mashin pa koba buraku, skòp i chapi, èts;
• Kuminda i refresko pa ofresé boluntarionan: máximo USD 150,-.

Solamente pa instituto di kuido / organisashonnan pa hende grandi òf hende ku limitashon físiko òf mental

• Kostonan pa un salida (preis di entrada, hür di transporte) ku e grupo di enfoke di bo organisashon.
• Honorario pa artistanan manera payaso i kantante, òf pa pelukero, estilista, visagista den kuadro di un dia pa mima e grupo di enfoke: máximo USD 375.-.
• Si e aktividat ta konsistí di high tea, desayuno, lùnch, èts., bo por usa ful e montante máximo na kuminda i bebida.

Kiko nos no ta finansiá

• Djòpnan òf organisashonnan ku no ta kumpli ku tur kriterianan;
• Kompra di hèrmènt òf artíkulonan di uso duradero;
• Kostonan pa apresio di òf premio pa boluntarionan;
• Material pa dekorá lokashon i kostonan di imprenta òf material di promoshon;
• Premionan pa bingo òf otro weganan òf aktividatnan similar;
• Proyektonan òf produktonan ku ta benefisiá individualnan òf nan kas.

Tene kuenta

Oranje Fonds i e tim di BON DOET no ta responsabel pa aksidente òf daño durante di BON DOET. Ora bo ta planifiká e djòp òf aktividat, tene kuenta ku e seguridat di e boluntarionan i no tuma rísiko. Trabounan tékniko ta mihó pa profesionalnan hasi. Sigurá pues ku bo organisashon tin un seguro pa si algu mester pasa.