Durante di e periodo di preparashonan pa BON DOET nos lo resumí preguntanan ku bini hopi dilanti bou di e sekshon di 'pregunta hopi hasi', tambe yamá FAQ (Frequently Asked Questions).
Klèk riba Mas Informashon pa lesa e FAQs ku tin kaba.
FAQs di fundashon / asosiashon / kas di kuido
Q: Nos kier partisipá, pero nos no sa di un bon djòp pa nos.
A: Yama nos BON DOET TEAM òf imeil nos i nos ta yudabo formulá un bon djòp.
Q: Kon nos por bini na remarke pa e USD 650 pa material?
A: Riba wepsait tin hopi informashon tokante e kriterianan i tambe por yama nos BON DOET TEAM òf imeil nos. Korda ku e deadline ta 30 di yanüari 2022, pero e budgèt por kaba promé ku esei!
Q: Tin hende ku por yuda nos ku e parti finansiero?
A: Sigur, BON DOET TEAM tei pa yudabo traha un presupuesto i hasi e petishon riba e wèpsait.
Q: Mi no sa kon pa usa e wèpsait. Kon mi por registrá mi djòp awor?
A: Yama nos BON DOET TEAM òf imeil nos i nos ta hasi'é huntu. E ultimo dia pa inskribí ta 30 di yanüari 2022, pero miho no warda te ultimo dia si boso mester di yudansa!
FAQs di boluntarionan
Q: Mi kier registrá komo boluntario, pero mi no ta logra hasi'é riba e wèpsait.
A: Purba refresh e page òf klek riba Home i purba di nobo. Si bo keda pegá por yama nos pa asistensia.
Q: Kiko e boluntarionan mester trese ora nan bai e djòp?
A: E fundashon ku ta organisá e djòp tin un budgèt pa tur e material i tambe pa ko'i kome i bebe. Kiermen nan ta hasi tur e preparashonnan. E boluntarionan ta bin yuda i pa trese ambiente!
A: Tin biaha e fundashon por haña un tiki yudansa si dor di fia sierto material. Por ehèmpel: hèrmènt pa traha den kura. Si boso lo por ofresé algu asina lo ta bon pa tuma kontakto ku nan.
Q: Nos tin un grupo di 20 boluntario, pero e djòp ta pidi 10 so. Nos por bai si?
A: Hopi biaha esaki por si, pero korda ku e ta dependé di e lokalidat, e tareanan ku mester wòrdu hasí i tambe si tin sufisisiente budgèt pa kumpra èkstra material i ko'i kome i bebe. Por fabor tuma kontaktu ku e fundashon of nos ofisina pa evitá kualkier inkonbeniensha.
Q: Ki dia nos lo haña nos T-shirt?
A: E organisashon lo haña un pakete di promoshon ku T-shirtnan pa parti pa nan boluntarionan.