Partisipá na BON DOET — bo so, ku bo famia, amigunan òf kualkier grupo. Riba henter e isla bo lo haña djòpnan signifikante pa e isla i ameno pa hasi. Pensa kisas pa organisá un dia speshal pa e residentenan di un kas di kuido òf laba kosnan di hunga di un skol. Tin algu di hasi pa tur hende!
Partisipá komo Grupo
Traha den ekipo ta mas dushi ainda. Sera bo grupo, buska bo famia, koleganan, tim di deporte, klup òf klas i registrá pa un djòp. Asina boso ta hasi un diferensia real i disfruta di un dia ameno huntu. Registrá bo grupo ku un nòmber òf logo i laga mira pa kiko boso ta para. Un bon oportunidat pa probechá pone bo grupo, kompania, skol òf asosashon den spotlait positivo.
Kon e ta funshoná?
For di fin di mart, bo lo haña riba e wèpsait, bou di “bista general di djòpnan”, diferente djòp. Bo ta skohe esun ku bo ta deseá i tuma kontakto dirèkt ku e organisashon pa hasi palabrashonnan huntu.
Pues… kiko bo ta warda? Skohe un djòp i registrá bo mes pa BON DOET!
Bo kier sa mas?
Bo tin mas pregunta? Nos ta yuda ku plaser. Manda un imeil na ngo.bondoet@gmail.com, manda un WhatsApp na +599 777 2366, òf yama e tim di BON DOET na tel. +599 717 2366.