Kiko ta BON DOET?

Riba dia 15 i 16 di mart di 2019 NGO Plataforma Boneiru en koperashon ku Oranje Fonds ta organisá huntu ku miles di organisashon soshal e evento boluntario di mas grandi den Reino.

Bou di e nòmbernan Aruba DOET, BON DOET, Cura DOET, NLdoet, Statia DOET i SXM DOET lo hala atenshon riba trabou boluntario i stimulá tur hende pa pone man na obra pa un (parti di un) dia. Anto esei ta bon pa nos tur!

E kurason ku ta bati

Di hopi organisashon soshal ta boluntario ta e kurason ku ta bati. Ku BON DOET, NGO Plataforma Boneiru i Oranje Fonds ta mustra kon importante siudadano aktivo ta pa komunidat. Ademas di esei BON DOET ta krea un bon imahen pa trabou boluntario i ta mustra kon agradabel i den bon ambiente trabou boluntario por tuma lugá.

E di 9 edishon di BON DOET

Esaki ta bira e di 9 edishon di BON DOET kaba!
Nos a kuminsá 2011 ku 31 organisashon i 750 boluntario i aña pasa tabata tin 76 djòp i mas ku 1500 boluntario. Klaro ku e aña akí nos ke pone mas persona ainda riba pia. P’esei, inskribí bo djòp òf partisipá komo boluntario.

Organisashon

NGO Plataforma Boneiru ta ofresé yudansa, konseho i informashon pa fundashonnan, asosiashonnan i boluntarionan na Boneiru. Tambe NGO Plataforma ta e Sentro di Boluntario di Boneiru. Pa mas informashon por wak riba www.ngobonaire.org.

Oranje Fonds ta e fondo nashonal mas grandi riba tereno sosial, i ta saka kara di Reino. Kada aña e ta gasta mas o menos € 30 mion na organisashon i proyekto ku ta reforsá unidat soshal na Hulanda i den e parti di Reino den Karibe. Rei Willem-Alexander i Lareina Máxima ta e pareha protektor di e fondo. Pa mas informashon di Oranje Fonds por tira un bista riba www.oranjefonds.nl.

Pregunta hopi hasí

Durante di e periodo di preparashonan pa BON DOET nos lo resumí preguntanan ku bini hopi dilanti bou di e sekshon di 'pregunta hopi hasi', tambe yamá FAQ (Frequently Asked Questions).

Klèk riba Mas Informashon pa lesa e FAQs ku tin kaba.

 

Mas informashon »

Informashon pa prensa

Nos ta apresiá e atenshon di prensa pa BON DOET tur aña di nobo. Via di komunikado di prensa nos lo tene tur miembro di prensa na altura di e desaroyonan pa ku BON DOET. Tambe nos lo sòru pa oportunidat pa hasi entrevista ku e organisashonnan partisipante. Durante e dos dianan di BON DOET gustosamente nos ta invitá miembronan di prensa pa e apertura i klousura ofishal i nos ta parti un ruta pa por bishita kualkier djòp i tira un bista riba e bon trabounan. Si tin kualkier pregunta, por tuma kontakto libremente ku nos.

 

Mas informashon »

Disclaimer

NGO Plataforma Boneiru i Oranje Fonds ta trata di mantené e website akí lo mihó posibel. Ta diferente inisiadó di trabou i aktividat ta relashoná ku ponementu di  gran parti di e informashon riba e website akí. Oranje Fonds ni NGO Plataforma Boneiru no ta responsabel pa eksaktitut di e informashon aki, ni pa e kalidat di e trabounan. P’esei e organisashon no por aseptá ningun responsabilidat den ningun forma òf kantidat, ku por ta resultado di sea uzo di, ni konfiansa den, e informashon ofresé riba e website akí.

Mas informashon »