Ban yuda drecha Sala Imelda

Durante BON DOET nos ta yuda Parokia La Birgen di Coromoto ku drechamentu di Sala Imelda, un lugá di enkuentro importante na Antriol kaminda ta tene diferente aktividatnan pa grandi i chikí. Nos lo fèrf e dak i hasi un limpiesa general di e sala, e stulnan, fèn nan i e kurá.
Ku e djòp aki nos ta krea un ambiente agradabel pa komunidat por sigui reuní huntu.
Bini yuda i kontribuí na un lugá di enkuentro bunita pa e bario di Antriol!

Boluntario ta yuda ku:

Fèrf e dak di Sala Imelda
Limpia e stulnan i e sala
Limpia fèn nan
Limpia i mantené e kurá