Riba djabièrnè 15 i Djasabra 16 mei 2026 NGO Plataforma Boneiru den koperashon ku Oranje Fonds ta organisá huntu ku miles di organisashon soshal e evento boluntario di mas grandi na Boneiru i den Reino.
Bou di e nòmbernan Aruba DOET, BON DOET, Cura DOET, NLdoet, Saba DOET, Statia DOET i SXM DOET lo hala atenshon riba trabou boluntario i stimulá tur hende pa pone man na obra pa un (parti di un) dia. Anto esei ta bon pa nos tur!
E kurason ku ta bati
Di hopi organisashon soshal ta e boluntario ta e kurason ku ta bati. NGO Platform Bonaire i Oranje Fonds ta mustra ku BON DOET kon importante partisipashon aktivo di siudadano ta pa nos komunidat. Ainda bo no ta un boluntario? Durante Doet bo por eksperensiá kon dushi trabou boluntario por ta. Pa organisashonnan, esaki ta un bon oportunidat pa hasi trabou adishonal i, naturalmente, pa atraé boluntarionan nobo. Doet ta tuma lugá kada aña den e di tres fin di siman di mei. Na 2026, esaki lo ta riba 15 i 16 di mei.
E di 16 edishon di BON DOET
Esaki ta bira e di 16 edishon di BON DOET kaba! Klaro ku e aña akí nos ke pone enfoke riba e evento ku ta trese hende huntu pa hasi bon i pasa bon. Nos ta hasi'e huntu! P’esei, inskribí bo djòp òf partisipá komo boluntario.
Organisashon
NGO Platform Bonaire ta traha pa fortalesé un komunidat fuerte i konektá na Boneiru. Nos ta sostené fundashonnan i asosashonnan lokal ku konosementu, guia i sosten práktiko, manera yuda ku plan di proyekto i aplikashonnan pa supsidio. Tambe nos ta funshoná komo sentro di boluntario, kaminda nos ta konektá organisashonnan ku boluntarionan. Huntu ku Oranje Fonds, nos ta organisá e akshon di boluntario BON DOET, pa mustra kon importante partisipashon aktivo ta pa nos isla. Pa mas informashon: ngobonaire.org
Tokante Oranje Fonds
Oranje Fonds ta traha pa un komunidat kaminda tur hende por partisipá i niun hende ta sinti nan desampará. Nos ta kere den un komunidat enbolbí, kaminda hende tey pa otro, tin oportunidatnan igual i ta sinti nan mes konektá ku nan bario. Esaki nos ta hasi dor di sostené i konektá inisiativanan sosial. Inisiativanan sosial por pidi sosten finansiero serka Oranje Fonds òf partisipá den un di nan programanan, manera Cariben Doet. Nos no ta yuda solamente ku sèn, sino tambe ku konosementu i nos ret di kontakto. Rey Willem-Alexander i Reina Máxima ta e
pareha di protekshon di Oranje Fonds. Pa mas informashon: oranjefonds.nl