Home
11 & 12 MAART 2022
 

Partisipá komo persona individual

Partisipá individual òf ku bo amigunan òf bo famia

Komo persona partikular tambe bo por partisipá den BON DOET. Sea ku bo ta bini bo so, ku amigu òf ku henter bo famia, semper tin djòpnan ku boso por hasi. Pensa por ehèmpel riba un limpiesa riba un playa, òf bai yuda un kresh pa dal tur e ko’i hunga nan un bon labá. Tin kos pa tur hende hasi. Rònt Boneiru tin trabou pa hasi i tur kaminda mester di boluntario. Buska un djòp ku ta parse bo bon riba e website i inskribí!

Partisipá komo grupo

Ora hopi hende ta uní forsa, trabou ta kana lihé. Dikon no partisipá komo grupo? Reuní bo famia, bo koleganan, miembronan di bo klup òf bo klas i skohe un trabou boluntario pa boso hasi. Esei ta un bon manera pa hasi un bon obra huntu.

Pone bo nòmber òf logo 

Si bo ke yuda komo grupo òf kompania, bo por pone nòmber òf logo di bo grupo ora di inskribí. Asina bo por promové e kompromiso di bo empresa, klup di deporte, skol òf klup di servisio na un manera fásil.

Kon bo por partisipá?

Por haña djòpnan riba e wepsait i for di febrüari por kuminsa buska un djòp kaba ku ta kuadra ku bo idea di BON DOET. Klek riba e kònòpi “buska un djòp” i por mira ku tin un kantidat di bon djòpnan na Boneiru ku mester di hende pa hasi nan. Ora bo skohe unu, mesora bo por inskribí òf buska kontakto ku e organisashon pa mas informashon.

Bo ke mas informashon?

Bo tin pregunta òf bo ke sa mas? Ku plaser nos ta yuda bo. Manda un mail na bondoetteam@gmail.com of yama e team di BON DOET libremente na +599 785 4306.