Partisipá komo kompania òf skol

Kiko bo ta gana ku BON DOET?

Ku partisipashon den BON DOET bo isla i bo empresa òf skol ta haña un impulso positivo. Bo ta fortifiká relashonnan lokal i bo ta duna un bon ehèmpel. Esei ta yuda bo imahen. Den bo empresa mes tambe bo por tin bentaha di dje, den forma di trahadó mas motivá, ku bista mas ámplio, ret di relashon nobo i atenshon positivo di medionan di komunikashon sosial ku lo bo haña siendo parti di e publisidat rònt di e evento notabel aki. Pa bo alumnonan esaki por ta un eksperiensha nobo, yudando un organisashon sosial, kisas nan promé partisipashon den trabou boluntario. Ademas di esei e ta un dia inspirativo i agradabel. I di e otro banda tin organisashon sosial ku danki na bo koperashon por realisá meta ku riba nan mes forsa nan lo no por a logra, òf kisas ku mashá difikultat.

Partisipá komo kompania

BON DOET ta un okashon ideal pa bo mustra ku bo kompania ta koperá pa logra un mihó ambiente di bida. Komo empresa bo por skohe por ehèmpel un djòp pa hasi huntu ku bo empleadonan. BON DOET ta un bon alternativa pa e ‘teambuilding’ tradishonal òf dia di rekreo i bo trahadónan ta haña abilidat i eksperiensha nobo. Pero komo empresa bo por hasi mas ku esei. Yuda hasi un djòp eksitoso ofresiendo bo produkto òf servisio gratis òf na preis redusí. Manera fèrf òf otro material, òf ko’i kome pa e boluntarionan. Tambe bo por aktivá bo ret di kontakto, reklutá bo klientenan òf bo relashonnan di trabou.

Partisipá ku bo skol

Klaro ku skolnan tambe por partisipá den BON DOET. Reuní un klas òf henter skol i yuda ku un djòp den boso bario. Pensa por ehèmpel riba un mèrdia di wega ku habitantenan di un kas di kuido, drecha un tereno deportivo òf hasi un beach clean up. Si tin grupo grandi, nos ta konseha pa tuma kontakto fo'i trempan.

Kon bo por yuda traha?

For di yanüari 2019 bou di e kònòpi “buska un djòp” lo tin kantidat di bon djòp na Boneiru ku mester di hende pa yuda ku nan. Ora bo skohe unu, mesora bo por buska kontakto ku e organisashon pa kordiná e trabou i kisas detay’é mihó.

Kuminsá un trabou bo mes?

Pa esaki bo por drenta den kontakto ku NGO Plataforma Boneiru. Por ta ku ya bo tin un idea kaba ken lo bo ke yuda ku algu. Pero bo por pensa algu tambe pa un organisashon ku kua un kolega di bo tin un relashon. E kas di kuido por ehèmpel kaminda un mayor ta hospedá, òf un skol speshal of pasadia di un yu ku limitashon. E krèsh òf klup di deporte kaminda un kolega sa yuda komo boluntario. Ey tambe por yuda kaba un djòp òf kuminsá ku inisiativa nobo. E organisashon di un djòp inisiá dor di bo grupo na promé instante ta den bo mes man. ATENSHON: Ta e organisashon soshal kaminda ta wòrdu traha so por inskribí online i bini na remarke pa aporte finansiero. Esunnan ku ta bin yuda traha no.

Bo ke sa mas?

Bo tin pregunta òf bo ke mas informashon? Ku plaser nos ta yuda bo. Manda un mail na ngoplatformbonaire@gmail.com òf yama: 717-2366.

Klus: heropbouw en uitbreiding accomodatie Atletico Tera Cora: klus 2019: Upgrading ATC 1. Afdak plaatsen op de 3de container (wordt kantoorruimte)...
Djasabra • 08:00 - 17:00
Sport Vereniging Atletico Tera Cora: SV.ATC
Kaminda di Lac 24
0 / 10 Boluntario
Stichting Project tin dos kas recidential kaminda ku muchanan por keda pa un temporada largu ku diferente motibunan. Entretanto nos a muda na nos loka...
Djabièrne • 08:00 - 14:00
Stichting Project
Bulevar Gob. N. Debrot
0 / 15 Boluntario