E akshon boluntario di mas grandi na Reino
10 i 11 di mart 2017

Kiko ta BON DOET?

Riba dia 10 i 11 di mart di 2017 NGO Plataforma Boneiru en koperashon ku Oranje Fonds ta organisá huntu ku miles di organisashon sosial e evento boluntario di mas grandi den Reino.

Bou di e nòmber NLdoet, ARUBA DOET, BON DOET i for di e aña akí tambe CURA DOET e kuater inisiativanan akí ta hala atenshon riba trabou boluntario i ta stimulá tur hende pa pone man na obra un (parti di un) dia. Anto esei ta bon pa nos tur.

E kurason ku ta bati

Di hopi organisashon sosial ta boluntario ta e kurason ku ta bati. Ku BON DOET, NGO Plataforma Boneiru i Oranje Fonds ta mustra kon importante siudadano aktivo ta pa komunidat. Ademas di esei BON DOET ta krea un bon imahen pa trabou boluntario i ta mustra kon agradabel i den bon ambiente trabou boluntario por tuma lugá.

E di 7 edishon di BON DOET

Esaki ta bira e di 7 edishon di BON DOET kaba! Nos a kuminsá 2011 ku 31 organisashon i 750 boluntario i aña pasa tabata tin 68 djòp i 1400 boluntario. Klaro ku e aña akí nos ke pone mas persona ainda riba pia. P’esei, inskribí bo trabou òf partisipá komo boluntario.

Organisashon

NGO Plataforma Boneiru ta ofrese yudansa, konseho i informashon pa fundashonnan, asosiashonnan i boluntarionan na Boneiru. Tambe NGO Plataforma ta e Sentro di Boluntario di Boneiru. Pa mas informashon por wak riba www.ngobonaire.org.

Oranje Fonds ta e fondo nashonal mas grandi riba tereno sosial, i ta saka kara di Reino. Kada aña e ta gasta mas o menos € 30 mion na organisashon i proyekto ku ta reforsá unidat sosial na Hulanda i den e parti di Reino den Karibe. Rei Willem-Alexander i Lareina Máxima ta e pareha protektor di e fondo.