E akshon boluntario di mas grandi na Reino
10 i 11 di mart 2017

Kon bo por partisipá?

Fundashon, instituto di kuido i klup (di deporte), atenshon! Ata bo chèns pa kumpli ku un trabou ku bo tabatin pendiente i alabes reklutá boluntario nobo. Partisipá na BON DOET riba dia 10 i 11 di mart 2017. Hasi e tereno limpi, drecha e sala di deporte, bai keiru un dia ku e grandinan òf duna e muraya un man di fèrf.

Partisipá

Ta fásil pa partisipá. Inskribí bo trabou riba e website aki i boluntarionan ku ta interesá e ora ei por inskribí riba e site pa e trabou òf aktividat. E periodo pa inskribí bo trabou òf aktividat ta ku 20 di yanuari 2017. Despues di e periodo aki nos ta kuminsá buska e boluntarionan pa hasi e trabounan aki.

Log in i inskribí

Kiko tur bo tin ku yena?

  • E informashon di kontakto di e trabou i di bo organisashon;
  • Un deskripshon kla di e trabou ku entusiasmo skirbí;
  • E kantidat di boluntario ku bo ta buska i indiká si nan mester di kualkier abilidat speshal pa por hasi e trabou;

Bo trabou ta sali riba e website aki i e boluntarionan ku ta interesá por inskribí nan mes pa bo trabou riba e website.

Aporte finansiero

Bo trabou por bini na remarke pa un aporte finansiero di máksimo $650 di Oranje Fonds.

MESTER DI YUDANSA?

Bo mester di yudansa pa pensa un bunita trabou, bo ke mas publisidat pa bo trabou, òf bo ke sa kon bo por haña mas boluntario pa bo trabou? NGO Plataforma Boneiru por yuda bo ku esaki. NGO Plataforma tambe ta sòru pa hasi promoshon pa BON DOET, pero kada organisashon mester yuda ku e buskamentu di boluntario. Nos ta hasié huntu!

Tambe bo por hasi uso di e "Klushulp". Einan por haña tur sorto di tep i konseho. Bo ta hañ’é te ariba na man drechi riba e página aki.

Tene kuenta ku esaki

Oranje Fonds ni NGO Plataforma Boneiru no ta para responsabel pa ningun aksidente òf daño durante BON DOET. Nos ta pidi tur e organisashonnan pa tene kuenta ku siguridat di nan boluntarionan i otro partisipantenan i no tuma ningun riesgo. Laga djòpnan tékniko den man di profeshonal. Sòru pa boso organisashon tin bon seguro.

Bo ke sa mas?

Komo organisashon komunitario bo tin intenshon di partisipá den BON DOET? Bo ke konsultá tokante e posibilidatnan òf bo ta buskando inspirashon? Tuma kontakto anto ku NGO Plataforma Boneiru awe mes.