E akshon boluntario di mas grandi na Reino
10 i 11 di mart 2017

Kon bo por yuda traha

Yuda traha komo organisashon

BON DOET ta un okashon ideal pa bo mustra ku bo organisashon ta koperá pa logra un mihó ambiente di bida. Komo empresa bo por skohe por ehèmpel un tarea pa hasi huntu ku bo empleadonan. BON DOET ta un bon alternativa pa e ‘teambuilding’ tradishonal òf dia di rekreo i bo trahadónan ta haña abilidat i eksperiensha nobo. Pero komo empresa bo por hasi mas ku esei. Yuda hasi un proyekto eksitoso ofresiendo bo produkto òf servisio gratis òf na preis redusí. Manera fèrf òf otro material, òf ko’i kome pa e boluntarionan. Tambe bo por aktivá bo ret di kontakto, reklutá bo klientenan òf bo relashonnan di trabou.

Klaro ku skolnan tambe por partisipá den BON DOET. Reuní un klas òf henter skol i yuda ku un trabou den boso bario. Pensa por ehèmpel riba un mèrdia di wega ku habitantenan di un kas di kuido, òf drecha un tereno deportivo.

Kiko bo ta gana ku BON DOET?

Ku partisipashon den BON DOET bo isla i bo empresa òf skol ta haña un impulso positivo. Bo ta fortifika relashonnan lokal i bo ta duna un bon ehèmpel. Esei ta yuda bo imahen. Den bo empresa mes tambe bo por tin bentaha di dje, den forma di trahadó mas motivá, ku bista mas ámplio, ret di relashon nobo i atenshon positivo di medionan di komunikashon sosial ku lo bo haña siendo parti di e publisidat rònt di e evento notabel aki. Pa bo alumnonan esaki por ta un eksperiensha nobo, yudando un organisashon sosial, kisas nan promé partisipashon den trabou boluntario. Ademas di esei e ta un dia inspirativo i agradabel. I di e otro banda tin organisashon sosial ku danki na bo koperashon por realisá meta ku riba nan mes forsa nan lo no por a logra, òf kisas ku mashá difikultat.

Skohe un trabou pa bo hasi huntu ku bo amigunan òf bo famia

Komo persona partikular tambe bo por partisipá den BON DOET. Sea ku bo ta bini bo so, ku amigu òf ku henter bo famia, semper tin trabou ku boso por hasi. Pensa por ehèmpel riba un limpiesa riba un playa, òf bai yuda un kresh pa dal tur e ko’i hunga nan un bon labá. Tin kos pa tur hende hasi. Rònt Boneiru tin trabou pa hasi i tur kaminda mester di boluntario. Buska un trabou ku ta parse bo bon riba e website i inskribí.

Kon bo por yuda traha?

For di fin di yanüari bou di e kònòpi “buska trabou” lo tin kantidat di bon trabou na Boneiru ku mester di hende pa hasi nan. Ora bo skohe unu, mesora bo por buska kontakto ku e organisashon pa kordiná e trabou i kisas asta duna sugerensha pa hasi'e mihó.

Kuminsá un trabou bo mes?

Pa esaki bo por drenta den kontakto ku NGO Plataforma Boneiru. Por ta ku ya bo tin un idea kaba ken lo bo ke yuda ku algu. Pero bo por pensa algu tambe pa un organisashon ku kua un kolega di bo tin un relashon. E kas di kuido por ehèmpel kaminda un mayor ta hospedá, òf un skol speshal of pasadia di un yu ku limitashon. E krèsh òf klup di deporte kaminda un kolega sa yuda komo boluntario. Ey tambe por yuda kaba un trabou òf kuminsá ku inisiativa nobo. E organisashon di un trabou inisia dor di bo grupo na promé instante ta den bo mes man. ATENSHON: Ta e organisashon kaminda ta traha so por inskribí online i bini na remarke pa aporte finansiero. Esunnan ku ta yuda traha no.

Bo ke sa mas?

Bo tin pregunta òf bo ke mas informashon? Ku plaser nos ta yuda bo. Manda un mail na ngoplatformbonaire@gmail.com òf yama: 717-2366.